طريقه عمل حمام الزيت للشعر
النهاردة هنتعلم ازااااي نعمل حمام زيت صح
و هنعرف ايه فوايده .!
ياريت يا بنات نقرأ الكلام كويس جداااا جدااااا
هنشرح كل حاجه بكل بساطة عشان كلنا نستفيد
نبدأ
اولا ...
هو ايه حمام الزيت وايه الفايدة منة ؟
هو عملية تعويض الشعر عن فقد الحيوية واللمعان والمواد والفيتامينات اللي بيفقدها باستمرار
فوايدة ........
1/ مفيد جداً لفروة الرأس
2/يحفز نمو الشعر
3/يغذي الشعر ..
4/يمنع التساقط
5/يطول الشعر
6/يمنع التقصف
7/ينشط الدوره الدمويه
الفكرة الاساسية ليه اننا بندفي فروة الراس و نسخنها اثناء وجود الزيت عالشعر عشان تعززي و امتصاص الزيوت و يكون اسرع لشعرك انه ياخد الغذا و الفيتامينات من الزيوت
طيب هنعملة ازااااااااي ؟؟؟
لاااااازم قبل اااي حاجه نسرح شعرنا ونعمل مساج بسيط
عشان ننشط الدورة الدموية ف فروة الرأس
طبعا الزيت لازم يكون دافي
طيب وانا ازااااي هسخن الزيت ؟؟؟؟
بسيطة هحطه عالنار .
لااااااااااا طبعااااااااااااا غلط غلط غلط
درجة الحرارة العالية و النار المباشرة عالزيوت بتكسر الفيتامينات اللي فيها و بتخليها تفقد جزء من فوايدها
الحل الصح انك تعملي للزيوت حمام ماية سخنة .
يعني تحطي الزيوت في طبق صغنن. .... و تحطي الطبق الصغنن في طبق تاني كبير فيه ماية سخنة
بحيث ان الماية السخنة هي اللي تسخن الزيت. مش عالنار
خلاص دفينا الزيت و امتزج و بقي جااااهز
هتبتدي تفرقي شعرك و تقسميه جزأين او اربعة عشان تضمني توزيع الزيوت علي كل جزء في فروة راسك و شعرك من جدوره لحد اطرافه
في كذا طريقة لوضع الزيت
. اننا نبل صوابعنا بالزيت وندلك بيها فروة الرأس
.اننا نستخدم قطرة قديمة فاضيه او حقنة من غير سن
.انك تحطي الزيت في ازازة ببخاخ و توزعيه علي راسك
لو هنستخدم القطرة يبقي هنوزع نقط ف كل فروة الرأس
لو هنستخدم اطراف صوابعنا يبقي هنبل صوابعنا ..... وهنوزع الزيت بالتدليك ف كل جزء
ف كل الاحوال بعد ما هنوزع الزيت هنبتدي نعمل مساج
سمعييييين بقووووول مساج مش هرش
و هنسرح شعرنا بالمشط (يفضل المشط الخشب طبعا) عشان نضمن ان الزيوت وصلت لكل الشعر و غلفته كله
طيب كدا خلصنا ؟؟؟ لاااااا طبعا لسه
زي ما اتعودنا اننا بنحتاج البخار او السخونة عموما عشان
الزيوت او الكريمات تخترق المسام و تبتدي تشتغل و تغذي الشعر بقااا
ادامك 2 طرق تقدري تسخني بيهم راسك .
✅ نحط بونية ..او كيس ...او استرتش بتاع الاكل ونلف شعرنا بفوطة سخنه
✅نلبس بونيه حراري لمدة مثلا 30 دقيقة
اي طريقة ن الاتنين لااااااااااااااااازم تفضلي تسخني في راسك مش اقل من نص ساعة
ده لو قدرتي لو مقدرتيش 10 دقايق واستريحي بس فروة الرأس متبردش
سؤال هنا بقي انا هسيب الزيت علي شعري قد ايه ؟؟
بصي يا قمر ..
*لو دي اول مرة ليكي ياريت ييبقي من ساعة ل ساعتين
*لو بتعملية كل فيييين وفيييين يبقي خليه من ساعتين ل 4
*لو انتي شاطرة وبتعملية ف الاسبوع مرتين يبقي من 4 ل 6 ساعات
يعني ممكن تعمليه بليل و تنامي بيه
هااااااا كدا خلصنا ؟؟؟؟؟
يااااربي عليكم لاااااا لسسسسه
بعد ما نسيب الزيت علي شعرنا الفترة المسموحلنا بيها
ندخل بقي نغسل شعرنا بالشامبو بتاعنا الجميل
يفضل طبعا يكون شامبو عشبي
طبعااااا هلاااقي وحدة راحت مشمرة وداخله بقلب جامد
وحطيت الشامبو علي ايديها وعلي شعرها اديلو ادي
ابووووووس ايدك استني
هتاخدي حبة شامبو صغيرين وتخففيهم ب مية
وتدلكي فروة الرااااس الراااااس مش شعرك بأطراف صوابك
سيبي المية اللي فيها الشامبو تنزل علي شعرك من غير ما تدعكي شعرك ووالله هينضف مش تقلقي
برااااحة و شعرك متساوي بلاش شغل عجين الفلااااحة ده و النبي
فوووق و تحت و يمييين و شماااال و اعجيني و اخبزي اكنك بتنتقمي لييييه ليييه العنف
و مش لااازم تغسلي شعرك لحد ما يزيأ
حراااام سيبوه حت لو فيه نسبة دهون بسيطة
خلصتي
وبعد كده ممكن تحطي بلسم
نشفي شعرك بالراااااحة خالص وكدا مهمتنا تمت بنجاااح
اغسل شعري قبل حمام الزيت ؟؟
لااا مش عوزين نهلك الشعر بالغسيل الكتير
ومش مهم اصلا انه يتغسل قبل حمام الزيت الأفضل علي شعر ناااشف
ايه الزيوت المناسبه لعمل حمامات الزيت
طبعا مفيش غير زيت بندولين بلس او العادى ال هيغير شعرك مليون فالميه باذن الله
ليست هناك تعليقات:
إرسال تعليق